Semaforoak, zebrabideak, stop seinaleak... asko dira gidari bezala kontuan izan behar diren arauak.

 

Bizikleta gainean, guztiak ezagutu eta nola errespetatu ikasten ari dira Astigarragako gaztetxoak, Bide Heziketako saioen ba­rruan.

 

Bosgarren eta seigarren mailako neska-mutilekin gidari bezala nola jokatu lantzen dute udaltzainek, eta horretarako, hiru talde edo figuratan banatzen dituzte ikasleak: oinezkoak, bizikleta gidariak eta zuzen­tzaileak. Txandaka, funtzio guztiak betetzea da helburua.

​

8-12 urte bitarteko gazteak
Udaltzain­goak eta Udalak elkarlanean antolatzen dute Bide Heziketa, eta saioak 8 eta 12 urte bitarteko neska-mutilekin egiten dituzte; heziketa, adinaren araberakoa izaten da. Hirugarren mailako ikasleek Goazen oinez programa lantzen dute; hau da, ikastolara oinez nola joan, zebrabideak nola gurutzatu... Lau­ga­rren mailako ikasleek Bidaiari programa lan­tzen dute; alegia, garraio publikoa nola hartu ikasten dute.