top of page

BIZIKIDETZA

Astigarragako Herri Eskolako bizikidetzaren helburu nagusia, ikasleek bizitzan izango dituzten egoeretan modu egokian erantzuteko oinarrizko gaitasunak garatzea da. Horretarako, honakoak kontuan hartuko ditugu:

 

  • Eskola komunitateko partaide guztiak baloratuak eta entzunak sentitu daitezen bermatuko dugu, eskola bizitzan parte aktiboa izan dezaten.

 

  • Elkarbizitza positiboan sinesten dugu. Eskola komunitatearen partaide guztien harremanak, errespetuzko jarreran oinarrituko dira, guztion onarpenean, eta pertsonak eta ideiak baztertu gabe.

 

  • Gizon eta emakumeen arteko berdintasunean sinesten dugu, elkarren arteko begirunetik, eta osasuna eta ingurumenaren zaintza eta begirunetik abiatuz.

 

  • Elkarrizketa sustatzen duen elkarbizitza bultzatuko dugu, adostasunean oinarritua, eta gatazkak giza harremanak eraldatzeko oinarrizko elementutzat hartuko dituena.

 

  • Eskola komunitate osoaren partaidetza ziurtatuko dugu inguru inklusibo eta normalizatu batean, inor diskriminatu gabe: arauak adostu eta errespetatzeko orduan, konpromisoak hartzeko orduan...

 

  • Desberdintasunak ezaugarritzat hartzen ditugu, eta ez faktore diskriminatzaile moduan. Desberdina izateagatik inor baztertua edo gaizki tratatua ez izateko beharrezko bideak jorratuko ditugu.

bottom of page